ԼՂՀ ԱՆ. Հերթական ծրագրի հաջողված մեկնարկը

ԱՀ առողջապահության նախարարության և «Ձեռք-Ձեռքի» հասարակական կազմակերպության փոխհամագործակցության շրջանակներում Մարտակերտի շրջանի Հաթերք գյուղում գործարկվեց «Շարժական ատամնաբուժարան» ծրագիրը:

Համայնքի ընտրությունը պայմանավորված էր ապրիլ ամսին նախարար Արայիկ Բաղրյանի ղեկավարած աշխատանքային խմբի այցի ընթացքում մեծ թվով երեխաների մոտ ի հայտ եկած ատամնաբուժական խնդիրներով:

Համաձայն պայմանավորվածության կազմակերպության աշխատանքային խումբը՝ ժամանակակից սարքերով հագեցած շարժական ատամնաբուժարանում հուլիսի 1-ից 19-ն ընկած ժամանակահատվածում ընդհանուր առմամբ սպասարկելով 77 այցելուի՝ իրականացրել է բուժշական և կանխարգելիչ 224 միջամտություն:

«Շարժական ատամնաբուժարան» ծրագիրը միտված լինելով գյուղական բնակչության ատամնաբուժական ծառայության հասանելիությանն ու տեղում մատչելի բուժօգնության ստացմանը՝ կկրի շարունակական բնույթ:

Հարցեր, պատասխաններ, մեկնաբանություններ